राज्य कर्मचाऱ्यांसाठी आनंदाची बातमी – 2% डी.ए वाढीसह तब्बल 8 महिन्यांचा फरक मिळणार! पहा अपडेट
राज्य शासन सेवेतील लाखो अधिकारी-कर्मचारी आणि पेन्शनधारकांसाठी एक मोठी दिलासादायक बातमी समोर आली आहे. केंद्र सरकारप्रमाणेच आता राज्य सरकारनेही महागाई भत्ता (Dearness Allowance – DA) वाढ लागू करण्याचा निर्णय घेतला असून, त्यासोबतच 8 महिन्यांच्या डी.ए थकबाकीचा लाभ देखील कर्मचाऱ्यांना मिळणार आहे.
2% डी.ए वाढ लागू
सातव्या वेतन आयोगाच्या शिफारशीनुसार केंद्र सरकारने जानेवारी 2025 पासून केंद्रीय कर्मचारी आणि पेन्शनधारकांच्या डी.ए मध्ये 2% वाढ लागू केली होती. आता त्याच पद्धतीने ही वाढ राज्य सरकारी कर्मचाऱ्यांनाही लागू होणार आहे.
- पूर्वीचा डी.ए – 53%
- नवीन डी.ए – 55%
- वाढ – 2%
यामुळे कर्मचाऱ्यांच्या मासिक पगारात वाढ होणार असून, महागाईचा भार काही प्रमाणात कमी होण्यास मदत होईल.
कर्मचारी व पेन्शनधारकांना समान लाभ
ही वाढ फक्त राज्य शासनातील अधिकारी-कर्मचाऱ्यांपुरती मर्यादित नसून, खालील सर्वांना लागू होणार आहे –
- राज्य शासनातील अधिकारी व कर्मचारी
- निमसरकारी संस्थांचे (जिल्हा परिषद इ.) पात्र अधिकारी व कर्मचारी
- राज्यातील पेन्शनधारक अधिकारी व कर्मचारी
8 महिन्यांच्या डी.ए थकबाकीचा मोठा फायदा
वाढीव महागाई भत्त्याचा लाभ जानेवारी 2025 पासून लागू होत असल्याने, कर्मचाऱ्यांना जानेवारी 2025 ते ऑगस्ट 2025 या एकूण 8 महिन्यांचा थकबाकी फरक एकत्रित स्वरूपात मिळणार आहे.
हा फरक मिळाल्यामुळे अनेक कर्मचाऱ्यांना उत्सवाच्या काळात मोठा आर्थिक दिलासा मिळेल.
शासन निर्णय
वित्त विभागामार्फत लवकरच या संदर्भात अधिकृत शासन निर्णय (GR) जारी केला आहे त्यानंतर प्रत्यक्ष पगारात वाढीव डी.ए व थकबाकीचा फरक जमा केला जाईल.
राज्य कर्मचाऱ्यांना व पेन्शनधारकांना लवकरच 2% वाढीव महागाई भत्ता लागू होणार आहे. यामुळे डी.ए 53% वरून 55% इतका होईल आणि 8 महिन्यांच्या थकबाकीची रक्कम एकत्र मिळणार आहे. हा निर्णय सणासुदीच्या पार्श्वभूमीवर कर्मचाऱ्यांसाठी मोठा दिलासा ठरणार आहे.